Tumhaari yaad me aur mere akelepan me

Kabhi kabhi baat karne ka bahut man karta hai, lekin phir sochti hUN ki kya itna girna thik hai?

Ham dono ek jaise the shayad isliye hi saath aaye aur isliye hi saath chhuta, hum dono hi ek dusre ko pyaar nahi karte the, hum dono hi ek dusre ko use karte the, ye sabkuchh ek jaisa tha per jo alag tha wo ye ki istemaal karte karte aap kafi aage nikal gaye, aur mai peechhe jakar bikhar gayi, mai hamesha bahut pencheedgiyOn me uljhi rahti hun, mere sochne ka tareeka bhi bahut  gareeb hai, peechhe ki saari chhizon ko chhod kar aage badhna chhati Hun to wo khudbakhud chumbak ki tarah aakar khatak se chipak jaati haiN, na is chumbak se nijaat pa  paati hUN aur na apne ander lage us lohe se jo use kheenchta hai, kisi din shayad jaaker kisi bijli ke taar se takra jaaungi, tab aap peechhe rah jaaenge aur mai aage bah jaungi………………………...

Kyon ki tum kabhi samajh nahi paaoge, kyon ki koi nahi samajh sakta, wo ek aadmi bhi nahi jo use sabse jyada pyaar karta hai, uska ka dard ek samay ke baad ashique ko gair munasib lagne lagt ahi, aur phir ashique kanni kaatne lagta hai, phir wo thagi aur bevakuufOn sei ghumti hai, khud per glani karti hai, aur idhar udhar bhagti hai, ashiq ko chhod kisi aur ko talashti hai, koi milta nahi, kisi ko dhundti nahi, akeli rah jaati hai phir, bade maidaano me ghumte hue gaana gati hai, kabhi sadkoN per adhfate kapdOn me zor - zor se hansti kisi dukaan daar ko pareshaan karte hue pakdi jaati hai…..

Naa jaane kitno ke saath soyi us din ke baad, na us din chillayi thi  na phir kabhi aur….

Phir to mere aasmaan ka rang hi badal gaya….

Unke liye aasmaan neela aur saaf hai mere liye gandla……

Unke munh me zabaan nahi hoti aur hamari kainchi ki tarah chalti hai

Khamosh darinde haiN har din lootne chale aate haiN….

Char  ayatakaar kagjiN tukdoN ke saath,

Mare hue tuktoN se zinda shareer khareedte haiN…..

Palang per shor machete haiN aur phir khamoshi se nikal jaate haiN……